Талончи маҳалладошини тунади

Хонқа туманида яшовчи, 1983 йилда туғилган, А.А. билагидаги кучини ҳалол меҳнат билан шуғулланишга сарфлаш ўрнига, 2017 йил 23 июль куни тунги пайтда, уйининг олдидан ўтиб бораётган маҳалладоши, 1974 йилда туғилган, З.Каримовни юзига мушти билан уриб, чўнтагидаги 200 АҚШ долларини талончилик йўли билан қўлга киритган.

Талончи ўзининг ножўя қилмишини “тун пардаси” билан яширишга қанчалик уринмасин, унинг кирдикорлари тезкор ходимлар томонидан шу куннинг ўзида фош этилди.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

                                                                   Майор З.Исмаилов, вилоят ИИБ ходими