Кўнгилли ёнғиндан сақлаш бўлинмаси ташкил этилди

admin | 28-07-2017 | 24625

Кўнгилли ёнғиндан сақлаш бўлинмаси ташкил этилди

Ўзбекистон Республикаси Президентининг 2017 йил 23 май кунидаги “Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида”ги 2992-сонли Қарори ижросини таъминлаш юзасидан ишлаб чиқилган чора-тадбирлар дастурининг 14-бандида, Ўзбекистон Республикаси Вазирлар Маҳкамасининг 2013 йил
28 март кунидаги 89-сонли Қарори талаблари асосида Хоразм вилояти   гарнизонидаги ёнғин хавфсизлиги қисмларидан узоқ масофада жойлашган ҳамда ёнғин ўчириш автомобилларини ўз вақтида етиб боришига қийинчилик келтирадиган аҳоли пунктларининг бирида намунали кўнгилли ёнғиндан сақлаш хизмати бўлинмаси ташкил этиш ва келгусида бу борадаги тажрибани бошқа аҳоли пунктларига татбиқ этиш ишлари юзасидан туманлар ҳокимликлари, ўзини ўзи бошқариш органлари ва жамоатчилик билан ҳамкорликда ёнғин хавфсизлиги қисмидан узоқ масофада жойлашган Гурлан тумани Вазир қишлоғи “Мевазор” маҳалла фуқаролар йиғинида 6 нафар аъзодан иборат намунали кўнгилли ёнғиндан сақлаш хизмати бўлинмаси ташкил этилди.

Уларнинг фаолият юритиши, шунингдек бўлинма аъзолари туман Ёнғин хавфсизлиги бўлинмасида дастлабки тайёргарликдан ўтказилиб, зарурий ёнғин ўчириш анжомлари билан (1 та 4 тонна ҳажмли тиркамали сув сиғими, 1 та сув насоси, 2 дона диаметри 51 мм. бўлган енглик ва 1 та қўл дастаги) таъминланди ва ўзини ўзи бошқариш органига хизмат ҳужжатлари юритилишида амалий ёрдам кўрсатилди.

Гурлан тумани Вазир қишлоғи “Мевазор” маҳалласида яшовчи фуқаро, “Рустам Токарь” фермер хўжалиги раҳбари Дусчанов Рустамбойга тегишли бўлган, сиғими 4 тонналик тиркама қайта таъмирланиб, амалда фойдаланилмоқда.

Мазкур маҳалла энг яқин ёнғин хавфсизлиги қисмидан 8-10 км. узоқликда, маҳалла ҳудудида 2 мингга яқин аҳоли уйлари, нотурар объектлар, ижтимоий соҳа объектлари жойлашган бўлиб, ушбу ёнғин ўчириш техникаси ва бўлинмаси аъзолари ёнғин хавфсизлигини таъминлашда яқиндан ёрдам бериб келмоқда.

Юқорида амалга оширилган ишларни ҳар бир туманнинг узоқ аҳоли пунктларига татбиқ этилиши юзасидан ишлар давом эттирилмоқда.

 

           Сержант Ш.Хасанов, вилоят ИИБ ЁХБ ходими

 

     


Сайт материалларидан фойдаланганда Хоразм вилояти Ички ишлар бошқармаси веб сайти манба сифатида кўрсатилиши шарт

© 2017 | Барча ҳуқуқлар ҳимояланган.

ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
ХОРАЗМ ВИЛОЯТИ ИЧКИ ИШЛАР БОШҚАРМАСИ


Манзил

  • Ўзбекистон Республикаси, Хоразм вилояти
  • Урганч шаҳри, Й.Бабажанов кўчаси, 14-уй