Ўзидан чиққан бало

admin | 29-07-2017 | 24740

Ўзидан чиққан бало

Халқимизда “Ўзингдан чиққан балога, қайга борасан даъвога” деган пурмаъно ҳикмат бор.

Ўз яқинидан бирор бир ёмонлик ёки зарар кўриш, инсон руҳиятига икки карра салбий таъсир кўрсатиши табиий.

Агарда фарзанд тарбиясида эътиборсизликка йўл қўйилса, у вояга етганида оила ва жамият учун фақат зарар келтиради.

Ноқобил фарзанд, хавфли яра тушган бармоққа ўхшайди, кесиб ташлай десанг жонинг оғрийди, кесиб ташланмаса, яра газак олиб, бутун танани заҳарлайди.

Урганч шаҳрида яшовчи, 1993 йилда туғилган, О.Ж.ни ҳам яра тушган бармоққа ўхшатиш мумкин. Чунки у Урганч туманида яшовчи бувиси, 1952 йилда туғилган С.Машарипованинг уйига деразасини бузиб кириб, у ердан бувисига тегишли тилла занжир, тилла узук, 200 000 сўм пул ва уяли телефонни ўғирлаб, кайфу-сафо учун сарфлаб юборган.

Жабрланувчининг мурожаати бўйича олиб борилган тезкор суриштирувлар якунида, мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

                                            

                                                                                     Майор З.Исмаилов, вилоят ИИБ ходими

 

 

 


Сайт материалларидан фойдаланганда Хоразм вилояти Ички ишлар бошқармаси веб сайти манба сифатида кўрсатилиши шарт

© 2017 | Барча ҳуқуқлар ҳимояланган.

ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
ХОРАЗМ ВИЛОЯТИ ИЧКИ ИШЛАР БОШҚАРМАСИ


Манзил

  • Ўзбекистон Республикаси, Хоразм вилояти
  • Урганч шаҳри, Й.Бабажанов кўчаси, 14-уй