Яна бир ноқонуний савдонинг олди олинди

admin | 25-11-2018 | 367

Яна бир ноқонуний савдонинг олди олинди

Кейинги кунларда мамлакатимизнинг қайсидир ҳудудида таркибида психотроп моддаларни сақловчи турли таблеткаларни қонунга хилоф равишда сотишга уриниш ҳолатлари қайд этилаётгани тўғрисида оммавий ахборот воситалари орқали хабарлар берилмоқда. Бу бежизга эмас албатта, ушбу хабарларни аҳолига етказишдан мақсад аввало психотроп моддаларнинг инсон саломатлигига салбий таъсирини тушунтириш бўлса, қолаверса қонунга хилоф ҳисобланган ушбу фаолият билан шуғулланиб, шахсий бойлик орттиришни кўзлаган шахсларни ўз нафсини тийишга ундашдир.

Психотроп моддаларнинг ноқонуний савдоси билан боғлиқ ҳолатларни аниқлаш юзасидан Урганч шаҳри бўйича ички ишлар органлари фаолиятини мувофиқлаштириш бошқармаси ходимлари томонидан 2018 йил 30 октябрь куни ўтказилган навбатдаги тезкор тадбир жараёнида, таркибида психотроп моддаларни сақловчи 200 дона “Трамадол” таблеткаларини ўз уйида  қонунга хилоф равишда 525 000 сўмга сотаётган, Урганч шаҳрида яшовчи, 1983 йилда туғилган, Ж.О.нинг қилмишлари фош этилиб, жиноят устида ашёвий далиллар билан қўлга олинди. Ана шу турдаги таблеткалардан яна 3 800 донасини келгусида сотиш мақсадини кўзлаб сақлаб қўйганлиги унинг уйида ўтказилган тинтув жараёнида аниқланди.

Мазкур ҳолат юзасидан Ўзбекистон Республикаси Жиноят Кодексининг 273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

подполковник З.Исмоилов, вилоят ИИБ ходими 


Сайт материалларидан фойдаланганда Хоразм вилояти Ички ишлар бошқармаси веб сайти манба сифатида кўрсатилиши шарт

© 2017 | Барча ҳуқуқлар ҳимояланган.

ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
ХОРАЗМ ВИЛОЯТИ ИЧКИ ИШЛАР БОШҚАРМАСИ


Манзил

  • Ўзбекистон Республикаси, Хоразм вилояти
  • Урганч шаҳри, Й.Бабажанов кўчаси, 14-уй