Чегарадаги қоидабузарлик

admin | 19-12-2018 | 2523

Чегара постида дизель ёқилғисининг ноқонуний айланмаси тўхтатиб қолинди
 
Хоразм вилояти божхона бошқармаси ходимлари томонидан ёқилғи-мойлаш маҳсулотларининг божхона чегаралари орқали яширин равишда олиб ўтилиши ва ички ҳудудда ноқонуний айланишининг олдини олиш борасида тегишли чора-тадбирлар доимий равишда амалга ошириб келинмоқда.
 
Навбатдаги ана шундай ҳуқуқбузарлик “Шовот” чегара божхона пости орқали кириб келаётган қўшни давлат фуқароси Ш.М бошқарувидаги Volvo русумли юк автотранспорт воситаси божхона кўригидан ўтказилганида аниқланди. Яъни тиркаманинг таг қисмига қўлбола усулда пайвандлаб ўрнатилган қўшимча бакда, йўловчи божхона декларациясида ёзиб кўрсатилмаган, божхона ходимининг оғзаки сўрови пайтида айтилмаган, умумий қиймати салкам 11 миллион сўмни ташкил этган жами 2 тонна 200 литр дизель ёқилғисини мамлакатимиз ҳудудида қайта сотиш мақсадида яширинча олиб келаётганлиги божхоначиларимиз томонидан фош этилди.
Ҳозирда мазкур ҳолатлар юзасидан божхона текширувлари давом эттирилмоқда.
Маълумот ўрнида, жорий йилнинг ўтган даври мобайнида Хоразм вилояти божхоначилари томонидан 10 та ҳолатда 4 тонна, 25 млн. сўмлик ёқилғи-мойлаш маҳсулотларининг ноқонуний олиб ўтилишига чек қўйилган.
Хоразм вилояти Божхона бошқармаси
 катта инспектори капитан Н.Давлетов


Сайт материалларидан фойдаланганда Хоразм вилояти Ички ишлар бошқармаси веб сайти манба сифатида кўрсатилиши шарт

© 2017 | Барча ҳуқуқлар ҳимояланган.

ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
ХОРАЗМ ВИЛОЯТИ ИЧКИ ИШЛАР БОШҚАРМАСИ


Манзил

  • Ўзбекистон Республикаси, Хоразм вилояти
  • Урганч шаҳри, Й.Бабажанов кўчаси, 14-уй