Омборхонадаги ўғирлик фош этилди

admin | 29-01-2019 | 578

Омборхонадаги ўғирлик фош этилди

Ҳазорасп туманининг “Янгибозор” қишлоғида яшовчи, 1993 йилда туғилган А.И. ўз маҳалладошлари олдида мулзам бўладиган бўлди. Чунки “тоғни урса талқон қиладиган” ушбу йигит, ҳеч нимадан тап тортмасдан 2019 йил 13 январь куни соат 23:30ларда маҳалладоши, С.Қурбановга тегишли   омборхона эшигини бузиб кириб, у ерда турган темир ва ёғочга ишлов бериш станоки ва бир дона электродинамни ўғирлаб кетади.

Эрталаб омборхонасининг эшиги бузилганлиги ва ичкаридаги станоклари йўқлигини кўрган С.Қурбановнинг ички ишлар бўлимига қилган мурожаати асосида суриштирув ишларини олиб борган тезкор ходимлар А.И. нинг қилмишини “излари совумай” фош этишди.

Мазкур ҳолат юзасидан Ўзбекистон Республикаси Жиноят Кодексининг 169-моддаси 2-қисми (ўғирлик) билан жиноят иши қўзғатилиб, тергов ҳаракатлари олиб борилмоқда.

подполковник З.Исмоилов, вилоят ИИБ ходими 


Сайт материалларидан фойдаланганда Хоразм вилояти Ички ишлар бошқармаси веб сайти манба сифатида кўрсатилиши шарт

© 2017 | Барча ҳуқуқлар ҳимояланган.

ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
ХОРАЗМ ВИЛОЯТИ ИЧКИ ИШЛАР БОШҚАРМАСИ


Манзил

  • Ўзбекистон Республикаси, Хоразм вилояти
  • Урганч шаҳри, Й.Бабажанов кўчаси, 14-уй